LISMAL - Lismal Forum

Werbung

Forum Übersicht -> Offtopic -> Sinn des Lebens???

Autor

Beitrag

Seiten

1 2 3 >> >|

Don_Coleone

Anmeldungsdatum:
24.05.2003
Beiträge: 29

Verfasst am: 07.10.2003 um 22:43

Für was lebt mer????Zum schafe?Zum beliebt sie?.....
bis 65i schaffe...!häd das en Sinn?

Irgendwie lebt mer ja fürs Weekend und Ferie nöd??

peaCe

Don_Coleone

Nach Oben

Carlos Alto-Nivel

Anmeldungsdatum:
15.03.2003
Beiträge: 251

Verfasst am: 08.10.2003 um 08:15

über das wird ja siit jahrtusige ghirnet.
vilicht läbt mer ja au nur zum über de sinn z´studiere oder sich en (persönliche) sinn z´sueche?
um das ganze thema aber usenand z´neh, müesst mer vilicht zerst sinn und unsinn definiere, was wiederum sehr subjektiv isch.
ich bi no es bitz z´wiit vom nirvana-geisteszuestand entfernt, zum würkli über de sinn vom läbe urteile z´chönne, aber ich dänke, dass sich en z´grosse sinn ufzerlegee kä sinn macht (paradoxe satz!).d.h. mer suecht de sinn nur als atrib, zum im unsinn durrezhebe..anstatt sich mit intuition triibe z´lah.

meh mais für d'indianer!

Nach Oben

Jürgen Brandstifter

Anmeldungsdatum:
19.03.2003
Beiträge: 440

Verfasst am: 08.10.2003 um 10:02

Beitrag zuletzt editiert am: 02.12.2003 um 10:02

life´s a bitch & then you die - voilà

wieso setzen sich die säufer im tram eigentlich immer hinter mich?

Nach Oben

schneggi

Anmeldungsdatum:
28.04.2003
Beiträge: 26

Verfasst am: 08.10.2003 um 21:40

ja de k-mel... de weiss was abgaht

Nach Oben

aloysius

Anmeldungsdatum:
27.06.2003
Beiträge: 429

Verfasst am: 09.10.2003 um 13:43

Was isch mit eu los ? Sind ihr all de Depression verfalle oder was ?

Ich persönlich gsehns ähnlich wie de crest. Ich denke es kann kei allgemeine Antwort uf d´Frag gä, was de Sinn vom Lebe isch. Es isch aber vermutlich eine vo de zentralschtä Fragä überhaupt wo s Mensch si usmached, e Chue philosophiert ja nöd über ihres Dasein. Glichzitig isch es aber grad drum au e müehsami Frag wo letschtendlich zu nüt führt.

Ich glaube aber, dass es sich trotzdem lohnt drüber nazdenkä. Ich bin de Meinig, dass de Sinn vom Lebä dä isch, dass jedä e Antwort für sich uf die Frag findet. Die eintä findet dass i Religione, sigs zum in Himmel, is Nirwana, i s nöchschte Läbä oder was au immer z´cho, anderi mached ihres Hobby zum Beruf unf findet so Sinn, Selbstverwirklichung und Befriedigung, anderi mached s´Läbä lang das wo´s grad Luscht händ druf und wieder anderi länked sich ab, um nöd über sottig unsinnigi Frage nazstudierä, will´s eventuell i nütem en Sinn oder e Logik gsehnd.

Ich denke aber, me sötti das ganze losglöst gseh vo de hütige Zit und Gsellschaft, suscht chunt uf Gedankä wie die vom don_coleone, dass mer nur uf d´Welt chunt zum go schaffä oder beliebt si oder was au immer. Ich denke s´Läbä hät me z´bütä als das, wobei es wiederum individuell verschiedä und sehr subjektiv isch, was s´läbä lebenswert macht. Letztendlich bin ich aber de Meinig, dass mer nöd per Zuefall uf d´Welt cho isch, dass heisst en Mensch isch me als es Spermium wo es Rennä gunnä het. Dass de Mensch aber e Bestimmig oder es vorherbestimmts Schicksal het, find ich Blödsinn, will sottigi Behauptigä vernachlässiged, dass es letztendlich s´Individuum isch wo Entscheid fällt und somit en beträchtliche Teil zu sim Schicksal biträgt. Aber au das sind philosophischi Frage wo entweder völlig abdrifted oder in esoterischä, okultä oder religiösä Bereich führed...

Nach Oben

palman

Anmeldungsdatum:
23.05.2003
Beiträge: 180

Verfasst am: 10.10.2003 um 09:49

der sinn des lebens ist die arterhaltung!
aber tüfere, philosophische sinn, wie än dä mensch immer wieder suecht, git´s miner meinig no nöd.

wenn eine für sich än sinn findt, isch das schön
und die wo gern ame sinn nosinniered sölled das mache

jedem das seine

so war es - so ist es - so wird es immer sein

Nach Oben

Otto Sugus

Anmeldungsdatum:
12.06.2003
Beiträge: 134

Verfasst am: 18.10.2003 um 05:54

Hallooo????

Hend ihr jetz alli de Sinn vo euem erbaermliche Laebe vergaesse?

Lismal isch de Sinn vo eusem Laebe

Watashino meo mite, baby!

Nach Oben

Chilizzo

Anmeldungsdatum:
30.11.2003
Beiträge: 40

Verfasst am: 02.12.2003 um 00:36

Beitrag zuletzt editiert am: 02.12.2003 um 00:36

"De Sinn vom Lebe isch d'Zit zwüschet de Orgasme z'überbrücke" - Zitat, irgendjemand (warscheinlich einer vom DIC)

Nei also im ernscht...zu dere ernschte Frag muess e ernschti Antwort ane...hmm...ich stell eifach gegefrage...

-Isch es en guete Mensch zsi?
-Isch es mit sim Lebe glücklich zsi?
-Isch es möglichscht vielne zhelfe?
-Isch es möglichscht viel z'erreiche?
-Isch es sini Seel is glichgwicht zbringe?

Ich glaub es git kei allgemeini Antwort druf, au wenns abgdrosche tönt, aber de Sinn vom Läbe isch das jede für sich sin eigene Lebenssinn findet, capiche?

ps.
-Isch d'Welt rund?
-Isch de 2pac tot?
-Sind Tempo Taschetüecher würkli riissfescht?

hm...

pps. Gnüsset eifach eues Lebe so guet wies gaht, und tretet minere Sekte bi, dänn bechömeder garantiert soviel Lebenssinn wie er wänd...

www.dic-zh.com

Nach Oben

independent

Anmeldungsdatum:
28.04.2003
Beiträge: 13

Verfasst am: 02.12.2003 um 10:04

d.c.
i wett mit niemert stritte, was de sinn isch. ich glaube, jede hät sin eigne.
was ich sage möcht, isch, dass du Don Coleone, häsch es problem. (wett dich nöd beleidige)... villicht stimmt s soziale umfäld im büro (oder wo au immer ) nöd,
oder du häsch din job nöd gern.
du bruchsch motivation. es ziel.
ich han eis, drum läb ich nöd nume fürs wuchenänd.

oder du söttsch ä chli sport under d wuche mache

sport macht au glücklich

nil de nihilo fit.

Nach Oben

aloysius

Anmeldungsdatum:
27.06.2003
Beiträge: 429

Verfasst am: 02.12.2003 um 15:35

Independent, was söll das ? Wenn du en Sinn i dim Läbä häsch isch das ja schön, aber das beantwortet am don_coleone sini Frag überhaupt nöd und hilft ihm keis bizli witer, wenn er würklich es Problem het wie du bhauptisch.

Nach Oben

independent

Anmeldungsdatum:
28.04.2003
Beiträge: 13

Verfasst am: 02.12.2003 um 17:59

a.
chunsch dänn du nöd drus, was am D.C. sis problem isch?

sag mal, warum fragt mer sich, was de sinn isch?
minire meinig na, wänn mer unzfride isch, wänn öpis bzw. vieles im läbe nöd stimmt(so isch es uf jede fall bi mir gsi).
und bim D.C... er klagt ja, er läbi nume fürs wuchenänd. wohere chunnt das?
tue mal überlegge.., nur am wuchenänd muess er nöd schaffe, gaht wahrschienli in usgang,, zum ebe de stress vergässe...
und was heisst das,, irgendöpis stimmt nöd im job.
wienich scho mal gseit han, villicht hät er de falsch job, oder arbeitskollege.
was er chönt mache isch sich im klare werden, was er vom läbe wott erreiche,,
was er chönt ändere, damit s läbe wieder spass macht.. und genau das mache, was ihm gfallt.

nil de nihilo fit.

Nach Oben

amena

Anmeldungsdatum:
03.05.2003
Beiträge: 109

Verfasst am: 02.12.2003 um 23:00

*minsenfdazuegib*

Sinn vom Lebe?? Oder für was wir mir lebed??

Hmm, ich find, dass es chei bestimmte Sinn fürs Lebe git. Es isch au besser dass s Lebe sinnlos isch, als dass es en Sinn hät, dem "wir" nöd zuestimme chönd.

Die Frog cha jede anders beantworte, jede findet au für sis Lebe en Sinn egal wo oder was,..[Familie, Liebi oder Religion]..und ich denkt mir lebed villicht für das -> zum en Sinn sueche+ finde. Für das hend mir e Ziit, wo mir selber nöd bestimmte chönd.

Und wer kei Sinn im Lebe gseht, isch nöd nur unglücklich sondern kuum
lebesfähig. Drum,..machet doch sBeschte druss, und ich bi mir sicher, das jede mal en Sinn het zum lebe findet oder scho het.

Wenn nöd, denn chömmed zu mir!

Jiyan*

* Isch chei Zuefall das min name Jiyan au sLEBE bedütet

Was weisst du über dich, wenn du dich nie geprügelt hast??//°fight club°

Nach Oben

Don_Coleone

Anmeldungsdatum:
24.05.2003
Beiträge: 29

Verfasst am: 04.12.2003 um 10:43

Zitat:

Aha aha!!! Da kennt mich glaubs eini *Big Smile*oder meint es zumindest!!!

ja weisch mies lebe isch so hammer trurig...drum hocki im cheller und lebe au daede!!und weisch
besuf mich jede abig!!!
Mingia......

Ha eifach es Thema eröffnet wo jede eh eigni Meinig haed und somit spannend isch!!!!

das isch PART 1 vo miner Antwort!!!

cYa

Nach Oben

aloysius

Anmeldungsdatum:
27.06.2003
Beiträge: 429

Verfasst am: 04.12.2003 um 12:44

don coleone, han eigentlich genau s'glichä dänkt. S'hät chli so tönt, als wüssti independent besser als du was guet isch für dich und wo dis problem liegt (sofern überhaupt eis vorhandä isch). Wie au immer, wett zu dem gar nüm me sägä, will's zu nüt führt, aber bin mal gspannt uf din Part II (hoffä es git aber nöd wie bi de hollywood film no en part drü und vier und so witer).

Mini Meinig zu de fragä vo vorher:

Zitat:

-Isch es en guete Mensch zsi?
-Isch es mit sim Lebe glücklich zsi?
-Isch es möglichscht vielne zhelfe?
-Isch es möglichscht viel z'erreiche?
-Isch es sini Seel is glichgwicht zbringe?
-Isch d'Welt rund?
-Isch de 2pac tot?
-Sind Tempo Taschetüecher würkli riissfescht?

Ich denke, es macht nur Sinn en guete Mensch z'si, wenn me das mit Religionä verbindet, will das denn entsprechend belohnt wird (Himmel, Nirwana, guets nöchschts läbä und so witer) oder wenn me glaubt, dass me glücklicher isch, wenn me en guete Mensch isch. Wenn beides nöd zuetrifft, isch es doch sinnvoller alli lüüt usznützä und immer sini eigene Interesse z'verfolgä, oder nöd ? Denn würds au kei sinn machä, allnä lüt won ich chan immer z'helfä, will was söll mir das scho bringä ? Ich glaube au nöd, dass es de sinn vom läbä isch, glücklich z'si, aber vilicht s'ziel devo. Wenn mer nur uf d'Welt chunt zum glücklich si, wär das wohl chli paradox. Wieso söttis den überhaupt Läbä gä ? Hingegä würd ich scho zuestimmä, dass es unter anderem de sinn isch, möglichst viel z'erreichä, wobi ich das stark vo karriere, geld und anderä materiellä sachä würd trennä, sondern es ghat me drum s'beschte us dem wo me hät, z'machä und sich selber witerbringä (selbstverwirklichung und so). D'Seel is glichgwicht bringä, chans vilicht scho si, aber was isch denn mit de Tier ? Händ die au e Seel ? De Sinn vom Läbä allgemein, also nöd nur uf Menschä bezogä, chans drum glaub au nöd si.

Und ja, d'Welt isch fascht rund, de 2Pac isch leider tot und d'Tempo Tüecher sind mindeschtens gemäss Werbig rissfäscht !?

Nach Oben

Sven Hugentobler

Anmeldungsdatum:
15.05.2003
Beiträge: 88

Verfasst am: 04.12.2003 um 13:50

Aaaalso.

Wänn dä Don_Dingsbums seit: "Irgendwie lebt mer ja fürs Weekend und Ferie nöd??"
Dänn find ich das eigentlich no iilüchtend wämmer uf dIdee chänt cho, er heb kei Spass am Job, Schule etc.

Man sollte alles so einfach wie möglich machen. Aber nicht einfacher.

Nach Oben

Chilizzo

Anmeldungsdatum:
30.11.2003
Beiträge: 40

Verfasst am: 04.12.2003 um 18:39

hmm...sehr guet beantwortet vom aloysius

www.dic-zh.com

Nach Oben

Don_Coleone

Anmeldungsdatum:
24.05.2003
Beiträge: 29

Verfasst am: 04.12.2003 um 19:29

Zitat:

Meci, cuul das nöd nur ichs eso gseh

Und kei Angst gihd kei Part 3

Weisch ich ha das Thema eröffnet will mer so Sinn los lang über das chan schriebe, wills eh jede andersch gseht!!

Ich arbeite zum Lebe und nöd ich Lebe zum arbeite..! Sicher muess eim Job gfalle, aber s'weekend isch halt scho geile

Vielleicht isch ja füürd independent das nöd so en grosse Unterschied!

[=== Arbeits sucht??? =====] *smile*

naja!! Isch Ihres Bier!!
Jedem das seine!!! Aber finds scho no funny das sie grad so meint hegi voll Kriese etc...! Sie söll mal Mike bzw madhatter frage dä schaft mit mir

)))

Ich glaubs das langed für Part 2

)))

peaCe

Ps: Mer sölls Lebe nöd zu Ernst neh ,den es überlebt keine

Nach Oben

Kamikaze

Anmeldungsdatum:
16.11.2003
Beiträge: 22

Verfasst am: 04.12.2003 um 21:36

Beitrag zuletzt editiert am: 04.12.2003 um 21:36

dä sinn vom läbe? 42.

wär "per anhalter durch die galaxis" gläse hät verstahts, wär nöd isch mindeschtens vo teil 3, 4 und 5 verschont blibe, wo übrigens würkli miserabel sind.