| Seiten
|
1 2 >> |
Pryce Projectile
Anmeldungsdatum:
15.07.2003
Beiträge: 12 |
Verfasst am: 19.07.2003 um 11:23
Wer macht da denn selber Musik?
Ich scho; Rap-Album (schwizer HipHop)
Verstönd mich nöd falsch - Rap isch nöd = Gangsta. Und so Gangsta Scheiss mach ich sicher nöd. Isch billig.
Naja, was losed ihr/mached ihr so?
Schöne Abig na, min Dame und Arschlöcher, mached sies guet und gönd mer nöd uf'd eier.
|
| Nach
Oben |
 
|
| |
hellomyfriend
Anmeldungsdatum:
14.04.2003
Beiträge: 51 |
Verfasst am: 19.07.2003 um 15:34
ich fätzz mer vo´ hert
wutäng, nelli, tupäck, eminem, fiftisent, Jay-Si, Aschanti, Lil Kim, bionzä, Pi Diddi, Ar. Kelli, Fät Dschou, Xeiviär Näiduu, Notoriass Bi Ai Dschi
und so inä. Also nu so gängsta stuff, weisch. So schwitza schi´ isch vo´ vaschisou-manisou aight!
Also hey man yo hey,
blibed locker vom hocker und gänd uf oii´ pantschläin sorg man, ey!
Bauauaujippyjojippyjey!!! |
| Nach
Oben |
|
| |
aloysius
Anmeldungsdatum:
27.06.2003
Beiträge: 429 |
Verfasst am: 19.07.2003 um 18:33
| Zitat: | Ich scho; Rap-Album (schwizer HipHop)
Verstönd mich nöd falsch - Rap isch nöd = Gangsta. Und so Gangsta Scheiss mach ich sicher nöd. Isch billig. |
Hey, StrikaDaMic, coole siech. Würdi au mal gern. Mache im Moment selber kei Musig, baschtle ab und zue es paar beats am pc aber ich spiele keis instrument. Mit HipHop kenne i mich ziemlich guet us, vom Schwizer HipHop halt ich tendenziell aber sehr wenig bis gar nüt. Vilicht chasch du mich ja vom Gegeteil überzüge...
Was machsch denn gnau ? Bisch de derbi Microphone checker oder machsch au selber beats und spielsch irgend es instrument ? Würd mich echt interessiere... |
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 19.07.2003 um 20:44
aight. finde gängschter-scheiss ebe geil. isch halt es game... ernscht näh muess mers sicher nöd.
halte vo schwizer rap au zimli wenig bis nüt. git zwar scho ein zwei gueti sache. aber ebe. haltet sich in gränze.
mache mängisch au chli beats. aber meh für mich und ohni mc´s und so. leider spieli keis instrument, was ich aber mal gern würd mache.
This town like a great big pussy jus' waitin' to get fucked.
|
| Nach
Oben |
|
| |
aloysius
Anmeldungsdatum:
27.06.2003
Beiträge: 429 |
Verfasst am: 19.07.2003 um 21:39
Naja, das mes nöd chan ernscht ne isch ja ei sach. aber es isch zum teil doch ziemlich peinlich und viel händ weder fetti beats no cooli reime.
Find zum bispil au de ja rule und de 50 cent en absoluti katastrophe.
S´Schlimme isch vor allem wenn denn no die dütsche und d´schwizer chömed und voll eine uf gangsta mached (hey yo mir chömed us em krasse schwizer ghetto und so). Isch ja so lächerlich... 
Was losisch du denn so für hiphop niepl ? Bisch so voll en 50 cent und eminem typ oder chasch di au für nicht amerikanische rap begeischterä ? |
| Nach
Oben |
|
| |
tim
Anmeldungsdatum:
20.03.2003
Beiträge: 134 |
Verfasst am: 20.07.2003 um 21:52
kennt jemand madlib? irrer kerl. 
if today was perfect - there would be no need for tomorrow!
|
| Nach
Oben |
|
| |
Otto Sugus
Anmeldungsdatum:
12.06.2003
Beiträge: 134 |
Verfasst am: 21.07.2003 um 04:18
Chlini Anekdote zum CH-Hip-Hop: Gleis 2 isch mal oisi Vorband gsi und nach ois hend de Bligg und de Lex ihre shit bracht. Die type sind sowas vo duregheit gsi: Gleis 2 het zerscht gmärkt (alli mit Joints ide Frässe), dass sie ihri Turntables vergässe hend, denn hends gmerkt, dass au de Mini-Disc fehlt...Bligg&Lex sind na zwäg gsi, aber alli hend sich ufgfüehrt wie die fubu-fuzzis uf mtv...isch eifach total lächerlich gsi...
Persönlich find ich französische Hip-Hop und musikalisch aspruchsvolle Hip-Hop zimlich geil, au wenns eigentlich meh um deText gaht, aber ich brings eifach nöd übers Herz en Rap-Track ohni fett geile Beat z´lose...
Watashino meo mite, baby!
|
| Nach
Oben |
|
| |
karibik
Anmeldungsdatum:
11.06.2003
Beiträge: 23 |
Verfasst am: 21.07.2003 um 08:17
jepp..ich mache au sälber musig..singe ab und zue unter de duschi und ufem heiwäg. spiele gitarre, aber nur wennis sicher bin, dasses niemmert ghöre chan/muss. und ja..schribe amel au rhymes..obwohl au ich vo schwiizer hiphop wenig bis nüt halte.obwohl, muess au gstah, dassi dette gar ned ufem laufende bin...
mehr strassen für die strassenkinder
|
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 21.07.2003 um 15:52
ja, lose eigentlich scho eher nume ami-hiphop. obwohl 50cent grad chli es schlächts bispiel isch. find dä voll nöd geil. eminem... hm.... sini sache spräched irgendwie für sich, wie au bim jay-z.
lose gern westi-sound, bay-area und halt au easti-mässigs. bin nöd so uf ei küschte fixiert.
wasi au cool find isch änglische rap, französische rap. französisch losi halt eher züüg vo paris als vo marseille. i am und konsorte mit soloalbene und so sind aber härt. findi cool. leider verstahnis halt würkli nöd oder nur wenig und drum ebe... aber sägemer mal flow tönt guet, sound und so findi würkli geil.
dütsche hiphop... chamer a einere hand abzähle wasi dete cool finde. oder a zweine? beginner, too strong, rag, torch & toni L, massive töne, advanced chemistry (ok, nämemers zu torch vo mir us), no remorze... das wärs öppe.
ch-rap. ja ebe. geili releases sind gsi zürislang, aoh-family, dj dimos - homework. und demit häd sichs. was denn für mich no folgt druf wäri s´erschte gleiser-album. klar, die ganz sach isch rächt umstritte. aber für mich isch halt dä sound au chli mit erinnerige verbunde und so wiiter und so fort. känne de martini chli und find ihn eigentlich ganz ok so wie ich ihn käne und er sich mir gägenüber verhaltet.
bligg blisau... ja ebe. schnitzeljagd hani ja no einigermasse toll gfunde. aber ebe...
ekr. hmm.... komischi sach irgendwie. häd paar geili tracks. bin amigs sochli hin- und hergrisse. aber eher eso, dass ichs eigentlich nöd so cool finde.
natürli starz im ch-rap für mich sind immer no primitive lyrics.
ängland-rap käni halt au nöd grad soooonen huufe. gunshot, hi-jack, black twang, nextmen, numskullz, brotherhood. öhm.. ja, das wärs denn gli mal. vilich hani au no paar sache vergässe.
ich mues ehrlich säge, dass ich gängschter-scheiss ebe scho geil finde. gaht mir aber da sicher nöd drum, dass uf mich z´projeziere oder so. das ganze isch es game und denn spieleds es halt eso. find das au no witzig ufenart. zumal mer snoop und so lüüt sicher nöd wortwörtlich chan näh. ich würds au luschtig finde, wänn zum bispiel mal paar schwiizer voll eine uf loco-lolo-rida mache würdet. ok, gleiser händs ja gmacht und zum teil au no witzig (pornstar). irgendwie wärs eifach luschtig, gäbt aber sicher nöd extrem viel her.
sicher isch es schwärer, text mit politische oder suschtige themene wie soziale seich und so z´mache. eifach sich denn so uszdrucke dass nöd grad billig tönt oder so. denn isch natürli chli umegängschtere scho eifacher. aber ich bin etz absolut nöd de meinig, dass richtige hiphop e krassi ussag müessti ha. und usserdem chamer sich denn ja bim gängschterige hiphop au sini sache dezuedichte...
This town like a great big pussy jus' waitin' to get fucked.
|
| Nach
Oben |
|
| |
karibik
Anmeldungsdatum:
11.06.2003
Beiträge: 23 |
Verfasst am: 22.07.2003 um 16:50
bim schwiizer release dörft mer glaubs no
paar@ohre - chrüzwort
zuefüege...
mehr strassen für die strassenkinder
|
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 23.07.2003 um 09:15
shit. die hani doch voll vergässe. die vergissi immer. defür gits grad e nachricht an ruedi. und vogle wetti au no...
This town like a great big pussy jus' waitin' to get fucked.
|
| Nach
Oben |
|
| |
aloysius
Anmeldungsdatum:
27.06.2003
Beiträge: 429 |
Verfasst am: 03.08.2003 um 23:18
| Zitat: | aber ich bin etz absolut nöd de meinig, dass richtige hiphop e krassi ussag müessti ha. und usserdem chamer sich denn ja bim gängschterige hiphop au sini sache dezuedichte...
|
das isch ebe grad d´frag was richtige hiphop isch. Wenn mer die ganzi Entwicklig aluegt und d´Gschicht wo demit verbunde isch, denn isch hiphop mindeschtens vor es paar jahr no me gsi als eifach chli umerappä, eine uf pimp mache und alli andere mc´s dissä. Hüt wird me scho fascht usglached wenn me seit dass hiphop e lebensistellig bzw. e kultur isch. devo isch ja hüt au nüm viel übrig... aber die zahlreiche billige reim wo´s hüt git ghöred für mich denn halt eifach i die glichi richtig wie irgendwelche zuckersüsse pop vo irgendwelchne "superstars" egal ob das gangster getue nur es spiel isch oder nöd. |
| Nach
Oben |
|
| |
t4b
Anmeldungsdatum:
15.04.2003
Beiträge: 2 |
Verfasst am: 21.08.2003 um 21:06
hm, ich mach experimentellen electronic
so click n´ dub zeug, nichts für gelegentliche kurzatmer  |
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 25.08.2003 um 17:38
ja. kultur isch würkli voll undergange. oder zumindest springt sie eim i de verbindig mit hiphop nüme grad so is aug wie früener.
ich finds scheisse, dass hiphop so boomt. uf die eint siite verlüürts dütlich a qualität und au stil. ebe, kultur gits sozsäge nüme.
uf die ander siite muesi aber au säge, dass doch die lüüt au mal sölled ihre batze demit verdiene. lüüt wo das jahre gmacht händ, händ etz d´möglichkeit dezue. und ich würd sie zimli sicher au nutze. das gaht dänn nöd unbedingt nur i die richtig, womer sich verchauft. aber schlussändlich brucht mer au gäld zum läbe. ich mags amene dre oder a anderne scho gönne, wänn sie so e paar millione scheffled. und sowieso eher ihm als amene justin timberlake wo mit sim pseudobeatbox eine uf ´ichchumusemundergrund-realness´ macht. findi persönlich zum chotze. dä beatbox findi so übel schlächt.
dur de boom wird halt au eher unbekannte acts d´möglichkeit gäh, sich chli z profiliere. das chunnt zwar nöd immer guet use. und doch lohnt sichs ab und zue. ich weiss nöd, öb de 50cent es guets bispiel isch, will er ja nöd würkli en newcomer isch. aber sis züg lauft zwar. und zwar würkli deftig. aber ich find sin sound rächt bescheuert. das lit aber sicher au dra, das mer chum dra verbi chunnt, sin track a jedere party eimal dirty, eimal ragga-mix und eimal no remix zghöre. (by the way: fuck the party-club-dj).
und so als abschluss muesi aber säge, das mir nöd würkli ein newcomer bekannt isch, wo etz es geils album usegäh häd. ok, ich orientier mich au nöd a de neue sache oder so. vilich chunt mer etz au grad käne in sinn (söll käne justin säge..).
This town like a great big pussy jus' waitin' to get fucked.
|
| Nach
Oben |
|
| |
Otto Sugus
Anmeldungsdatum:
12.06.2003
Beiträge: 134 |
Verfasst am: 26.08.2003 um 08:08
Lil´ Bow-Wow 
han grad geschter e horror-entdeckig gmacht: de Schlumpf het sogar sin eigene Hollywood-Streife übercho!!!
De Lil´ Bow-Wow findet eines Tages es paar mysteriösi basket-boots mit de Inschrift "MJ" wo ihn 25 foot jumps mache lönd und denn ischer natürlich sofort de Star und blabla....
DIE WELT IST SCHLECHT!
Watashino meo mite, baby!
|
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 26.08.2003 um 11:20
ja, han gwüsst das er en film häd. heisst doch irgendwie ´like mike´ oder so. ja, gaht halt dete oft chli hand in hand (wie bi koreana)
aber so wie ich das gsehne, isch das eher en chinderfilm gsi. obwohl die ja nöd müend schlächt si.....
This town like a great big pussy jus' waitin' to get fucked.
|
| Nach
Oben |
|
| |
aloysius
Anmeldungsdatum:
27.06.2003
Beiträge: 429 |
Verfasst am: 26.08.2003 um 12:21
Ja, das isch würklich de film "like mike". er ghat denn natürlich au i d´nba
und rümt dört voll ab. I de USA anschinend no ziemlich erfolgrich gsi, bi eus entweder voll nöd oder gar nonig cho ? naja, de bruch ich ehrlich gseit au nöd, aber es händ wie bi space jam bekannti nba stars mitgmacht und es isch definitiv en chinderfilm. Vom lil´bow wow sine rap künscht halt ich grad au nüt und es wundered mich, dass de snoop dogg i sim video clip mitmacht.
A propos Snoop Dogg, han letschti ändlich mal Training Day gse, dött isch er ja voll geil, als Crack Dealer im Rollstuhl. Und de Dre als derbe siech wott ghat go d´wohnig ufmischä. Halte vom Snoop sinerä musig gar nüt, aber wenigschtens isch es offesichtlich, dass er sich selber nöd ernscht nimmt. Het schomal öpper uf MTV sini show "snoop televizzle" mit em "cap´n pimp" gse, won er sich in en flügende pimp verwandlet und d´welt vor allem bösä rettet ? de isch no witzig, aber mega billig. |
| Nach
Oben |
|
| |
Jürgen Brandstifter
Anmeldungsdatum:
19.03.2003
Beiträge: 440 |
Verfasst am: 26.08.2003 um 14:20
´like mike´ isch glaub in ganz europa so en straight-to-video-release gsi...
wieso setzen sich die säufer im tram eigentlich immer hinter mich?
|
| Nach
Oben |
|
| |
Niepl
Anmeldungsdatum:
19.03.2003
Beiträge: 145 |
Verfasst am: 26.08.2003 um 14:33
ja, hani au gmeint. 2fast2furious hett das am aafang eigentlich au sölle sii. häds ganz am aafang gheisse, dass es en videorelease segi. aber naja. offesichtlich findet die das glich voll geil....
This town like a great big pussy jus' waitin' to get fucked.
|
| Nach
Oben |
|
| |
aloysius
Anmeldungsdatum:
27.06.2003
Beiträge: 429 |
Verfasst am: 26.08.2003 um 14:56
Han defür letschti bi movietime en dvd gse, wo´s glaub echt nie i´d kinos geschafft het und vilicht au gar nie beabsichtigt gsi isch: cube 2: hypercube. Nomal genau s´glichä, glichi story, gliche würfel etc.
Voll schräg. Händ sich gar nüt neus ifallä la. |
| Nach
Oben |
|
| |
| Seiten
|
1 2 >> |
